Tripulante sa barko nasakmita’g revolver

CEBU, Philippines - Nasakmit sa kapolisan ang armas nga kalibre 38 nga adunay unom ka buhing bala gikan sa usa tripulante sa barko nga midunggo sa pantalan sa barangay Looc, dakbayan sa Mandaue  sa miaging kaadlawon.

Ang nadakpan mao si Allan Pineda, 29, ulitawo, nga lumad nga taga Nueva Valencia sa isla sa Guimaras ug nagtrabaho isip tripulante sa M/V Alal Capricorn Shipping.

Si SPO3 Juan Calamba sa kapolisan sa Presinto 5 sa Mandaue City Police Office (MCPO) nga nagbase sa barangay  Opao nga nahinabi sa Banat News miingon nga nasigpatan sa kapolisan ang suspetsado nga hubog ug naglakaw sa dalan Mabini sa barangay Looc sa maong dakbayan.

Dugang pa niya nga nagsusapinday kini nga naglakaw nga kalma ra kaayo   nga nagbitbit sa  iyang   38   kalibre  nga  revolver .

Diha-diha gipahunong  kini  sa mga polis  nga gipangulohan ni PO2 Rey Patigdas  nga  nagpatrolya  sa maong  higayon.

Gisita  dayon  kini  sa kapolisan  ug  gipangitaan   og mga dukomento   pagpamatuod  nga  legal  ang  maong  armas  ug  may  pagtugot  siya   nga  makadala-dala  niini  luyo sa  nagpadayong  gun ban  sa Comelec. Apan  tungod  sa iyang  kapakyas  sa pagpakita og   mga  papeles,  diha-diha  gisikop  kini sa  mga  polis.

Matud pa ni SPO3 Calamba nga ang maong dinakpan ilang pasakaan og kaso  sa paglapas sa Comelec gun ban ug Republic Act 8294 kon illegal nga paghupot og armas ug Ordinance 434 kun paghuboghubog. (BANAT NEWS)