Pills ug injectable contraceptives nag-unang gigamit sa kababayen-an
CEBU, Philippines - Nagpabilin nga ang “pills†maoy labing kinaham nga gigamit sa kababayen-an aron pagpugong sa pagmabdos, apan nabantayan ning milabay’ng mga buwan nga misikat na ‘sab ang paggamit og “injectable family planning methods.â€
Ang statistics nagpakita nga adunay kapin sa 13,000 ka tawo nga naserbisyohan sa kawani sa Cebu City Health department kabahin sa pagpugong pagpanganak ug sila mitug-an nga pills ang ilang gigamit aron mapugngan ang pagmabdos. Sa mga nag-family planning, kapin lang sa 4,000 ang mitug-an nga sila migamit og Intrauterine Device (IUD) nga ipasok sa kinatawo sa babaye aron mapugngan ang pagsabak. Gikan niadtong Enero hangtud sa Abril 30, matud ni Assistant City Epidemiologist Durinda Macasocol nga mas daghan na ang mga babaye nga migamit og injectable contraceptives.
Sa unang upat ka buwan karong tuiga, 290 lang sa mga babaye nga naserbisyohan sa City Health department mihukom nga mogamit sila og pills, apan 1,242 ang mihukom nga mogamit og injectable contraceptives. Ang rason nga daghan karon ang gusto nga mogamit sa injectable contraceptives mao nga dili kini hasol alang sa mga babaye nga usahay makalimot pag-inom matag adlaw kun pills ang ilang gamiton.
Sa usa ka pag-injection og injectable contraceptive molungtad kini og tulo ka buwan usa magpa-injection pag-usab ang usa ka babaye. EIM (BANAT NEWS)
- Latest
