81 ka magtiayon misalmot sa mass wedding

CEBU, Philippines - Mikabat  sa 81  ka parisan  sa  bag-ong  managtiayon    ang  giusa  sa pagkasal  sa mass wedding  nga  gipasiugdahan   sa Kaabag Foundation ug Mandaue City Fiesta committee didto  sa National  Shrine of Saint  Joseph  sa  barangay  Centro   sa  maong  siyudad  kagahapon.

Si Mayor Jonas Cortes ug unang ginang  sa dakbayan nga si Sarah Cortes maoy  mga principal sponsor sa maong   kasal.

Ang  mikasal  kanila  mao  si Msgr. Arthur Navales sa Saint Joseph Parish   uban  sa  mga  kaparian sa maong simbahan nga naglakip kanila ni Father Randy  Nebria ug Father Jonhdy Enanoria.

Ang kasagaran sa  bag-ong magtiayon nga misalmot sa maong mass wedding  dugay   na nga nagtipon ug  may mga anak  na.

Ang  mass wedding   sa  Mandaue  gipasiugdahan sa mayor sa dakbayan ug sa unang ginang  isip kabahin nga kalihokan sa tinuig nga pangilin ni Senyor San Jose nga maoy patron sa Mandaue. (BANAT NEWS)