Heritage Plaza sa Mandaue himuong museyo
CEBU, Philippines - Gipaabot nga dugokon unya sa mga tawo ang Heritage Plaza sa siyudad sa Mandaue atol sa pagpahigayon sa “Gabii sa Kabilin†karong Biyernes sa Mayo 31 niining tuiga nga magsugod alas-6 ang takna sa gabii hangtod sa alas-12 ang takna sa tungang gabii.
Si Louella Cabañero, tourism officer sa Mandaue City miingon nga dunay mga bus nga maghatud ug kuha sa mga mosalmot nga lokal ug langyaw nga mga turista sa dakbayan sa maong adlaw.
Dugang nga ipakita sa Gabii sa Kabilin mao ang karaang presidencia nga milungtad na og 75 ka tuig nga gidugayon sukad sa iyang pagkatukod, Rizal-Bonifacio library, National Shrine of Saint Joseph. Ang Heritage Plaza butangan unya sa mga paagi sa pagluto sa tagaktak, bibingka ug mga pagkaong ginama sa mga lumad nga Mandauehanon.
Ang Ramon Aboitiz Foundation Inc. upat na ka tuig nga mihimo sa Gabii sa Kabilin nga ang tumong mapakita sa uban ang kulturang Sugbuanon. (BANAT NEWS)
- Latest
