Gradwado pagka-maestro nanglugos

CEBU, Philippines - Nabalhog  sa Balamban Police Station ang usa ka lalaki human lugosa niini  ang  usa ka menor de edad nga babaye didto  sa Brgy. Pondol, sa maong  lungsod  sa miaging  gabii.

 Ang biktima giila  lang   nga Chloie, (di tinuod  niyang  ngalan)15 , ug molupyo sa nahisgutang lugar. Samtang  ang ngalan  sa   suspek giila  lang  nga Gorio (di  usab  tinuod niining  ngalan)  22, ulitawo, bag-ong migraduwar sa kursong Education ug residente sa Sitio Sam-ang, Brgy. Pondol. Si PO1 Landy Divinagracia sa Balamban Police Station mibutyag  sa Banat News  nga gikang mitan-aw ang dalagita og kalingawan sa ilang barangay  agi  og  pangandam  sa taliabot  nga  pista  sa  niini.

Samtang  nag-inusara  kining naglakaw  sa dalan pauli  sa ilang  balay gisundan  siya   sa suspetsado. Pag-abot sa mingaw  nga  bahin  sa dalan, kalit kining  gitionan og  kutsilyo  sa suspek  dayon giguyod  ngadto  sa kalibonan ug  didto  siya  pahimusli.

Nasuta  sa kapolisan  nga  hubog  sa  bino  ang  suspek  atol  sa maong  pagpanglugos.

Sa pagkakaron anaa sa kustodiya sa DSWD-Balamban ang biktima  samtang  giandam  na  ang  tukmang  kaso  nga  ipasaka  niini  batok  sa suspetsado kinsa  nagkagulkol  na  karon  sa prisohan. (BANAT NEWS)