Mga estambay suportahan ni Labella
CEBU, Philippines - Suportahan ni Cebu City Vice Mayor-elect Edgar Labella ang nasudnong programa sa National Youth Commission (NYC) sa pagtabang sa mga out-of-school youth (OSY).
Ang target sa maong programa mao kadtong nag-edad og 16 ngadto sa 30-anyos aron maaghat sila nga mamalik og eskuyla.
Mosugyot si Labella pinaagi sa usa ka resolution sa umaabot nga session karong semanaha alang sa pagpangayo og suporta gikan sa konseho nga matabangan ang mga estambay nga kabataan.
Ang resolusyon ni Labella nga gibase sa NYC program nga “Abot Alamâ€, kadtong mga OSY nga wala maka-gradwar sa elementarya ug high school awhagon sa pagbalik aron moeskuyla.Ang mga kapitan o Sangguniang Kabataan (SK) officials maoy mahimo nga coordinator sa pagkolekta niining mga impormasyon.Ini’g ka kumpleto sa lista ug profiling, iduso kini ngadto sa Department of Education (DepEd), Commission on Higher Education (CHED) or Technical Education and Skills Development Authority (TESDA).Kining mga ahensya ang mosusi kun unsa klase nga kurso o vocational courses ang angayan sa usa ka OSY. (BANAT NEWS)
- Latest
