Bike Lanes hapit nang matuman

CEBU, Philippines - Hinay-hinay nga nagkaduol sa hingpit nga katumanan ang gilaraw nga bike lanes sa Cebu City.

Ang Department of Transportation and Communication (DOTC) nangayo og project brief diin ilang gipadangat pinaagi sa usa ka suwat isip tubag sa hangyo sa dakbayan alang sa teknikal ug pinansyal nga suporta alang sa feasibility study.

Kining feasibility study maoy magtino kung angayan bang butangan ug bike lanes ang syudad sa Sugbo.

Sa iyang suwat niadtong Mayo 6 alang sa Sangguniang Panlungsod pinaagi ni acting secretary Cynthia Kahulugan, si DOTC Assistant Secretary for Planning and Project Development Jaime Raphael Feliciano miingon nga mamahimong pundohan sa ahensya ang feasibility study pinaagi sa SVPCF kun makumbinsir sila sa project brief.

Ang Special Vehicle Pollution Control Fund (SVPCF) usa ka klase sa pundo nga gamiton alang sa pagsumpo sa greenhouse gas emission gikan sa tambutso sa mga sakyanang de motor.

Kini tungod kay ang bike lanes wala maapil sa transport services study alang sa Cebu City.

Si City Traffic Operations Management (CITOM) board chairman Atty. Rafael Yap mihangop sa maong kalambuan tungod kay matud niya maayong mahatagan og alternatibong sakyanan gawas sa motorized vehicles.

“It’s always good to have more choices. We are doing our job to provide option for the citizens,” si Yap namahayag.

Siya midugang nga ang CITOM mamahimong makahatag sa maong dokumento sulod sa usa ka semana tungod kay ila kining prayoridad.

“Way problema. If they are willing to fund for the feasibility study on proposed project on bike lanes, we can comply with this request,” dason ni Yap kinsa mipasabot nga ang maong dokumento mag-establish sa tumong ug kaayuhan sa maong proyekto.

Ang problema sa kahimsog ug kahuot sa trapiko mamahimong ma-address niining bike lane project, matud niya.

Kung si Yap nalipay, labaw pang nagmaya ang bike enthusiast Ryan Noval kinsa mihulagway sa iyang kaugalingon isip “road  activist.”

“It's about time… since it's been long needed to continue the fight for bicycle lanes and bicycle rights to share the road in Cebu City,” matud ni Noval, kinsa mao usab ang nagdumala sa biking enthusiast club gitawag og Critical Mass         Cebu.

Siya nanawagan sa tanang sektor sa pagtabang sa gobyerno aron hingpit makab-ot ang maong alternatibo alang sa motorized vehicles.

 â€œThere are other elements that need to be in place for a cohesive plan to work. Drivers, public, scholastic and government awareness must be in effect along with strict enforcement by CITOM to really work for our very congested city,” awhag ni Noval. (BANAT NEWS)