Mga most wanted pang-gukdon sa CIDG
CEBU, Philippines - Ang Criminal Investigation and Detection Group (CIDG) mihingusog karon sa ilang pagpangita sa mga top most wanted criminals sa nasud pinaagi sa workshop-seminar on Search, Tracking and Manhunt Operations.
Ang usa ka adlaw nga seminar may labot kini sa kampanya sa CIDG nga Oplan Pagtugis, usa ka programa nga giumol aron sa pagsikop sa mga suspek mapa-national o regional level man.
Ang unang seminar gihimo sa Manila niadtong Abril. Karon gipahigayun dinhi sa siyudad sa Sugbo nga gilangkuban sa Regions 6, 7, 8, ug 9 samtang sa sunod buwan ipahigayon kini sa Davao City. Si Chief Supt. Francisco Uyami Jr. director sa CIDG, mibutyag nga gusto nilang hingusgan sa CIDG ang pagpangita ug pagsikop sa mga wanted criminals ilabi na kadtong nalambigit sa dagkong kaso.
“Kailangan kasi nang kakaibang kakayahan ang kapulisan para mahanap ang mga ito kasi ‘yung involved sa heinous crimes ay magaling magtago,†matud ni Uyami.
Anaa sa top five most wanted sa tibuok nasud mao si Ret. Gen. Jovito Palparan kinsa nag-atubang og kasong kidnapping sa pagkawala sa estudyante nga sila si Sherlyn Cadapan ug Karen Empeño niadtong 2006.
Si kanhi Palawan governor Joel Reyes ug igsuon niini nga si Coron town Mayor Mario Reyes nga adunay kasong murder sa pagpatay sa broadcaster nga si Gerry Ortega adtong 2011. Si Ruben Ecleo Jr. nga nakombikto sa pagpatay sa iyang asawa nga si Alona Bacolod-Ecleo adtong 2002.
Si Delfin Lee sa Globe Asiatique's (GA) nga adunay kasong estafa human sa questionable connection sa P6 billion nga loan nga gihatag ngadto sa buyers sa Home Development Mutual Fund (HDMF or Pag-IBIG Fund).
Matud ni Uyami nga nagpadayun sila karon sa pagpangita sa lima ug miawhag siya sa publiko nga mutabang usab aron mahatagan og hustisya ang mga biktima.(Ria Mae Booc/EIM) (BANAT BALITA)
- Latest
