Andam makig-uli nila Davide ug Magpale
CEBU, Philippines - Human sa kagubot sa Kapitolyo sa mga nangaging buwan, andam ang usa ka Garcia nga makig-uliay sa mga lider sa Liberal Party.
Gibutyag ni Dumanjug Mayor Nelson Garcia nga andam siya makatrabaho ni Governor-elect Hilario “Junjun†Davide III ug Vice Governor-elect Agnes Magpale kinsa plano niya imbitaron isip mga bisita sa mga importanteng kalihokan sa Dumanjug.
Giklaro ni Garcia nga ang “persona non grata†nga ilang gi-aprobahan sa municipal council batok ni Magpale niadtong Enero ila nang tangtangon.
Sumala pa niya niadto rang mga buwan nga tensyonado pa ang Kapitolyo tungod sa pagkasuspenso sa iyang maguwang nga si karon 3rd district Representative-elect Gwendolyn Garcia.
Pasangil ni Nelson niadtong buwan sa Enero nagpasagad og pamasangil si Magpale didto sa iyang igsoon kinsa nag-atubang og unom ka buwan nga suspension tungod sa kasong grave abuse of authority.
Gahapon, si Nelson namahayag nga bukas ang iyang tugkaran alang nila ni Davide ug Magpale. “Life must go on.†Gikalipay usab ni Nelson ang desisyon ni Magpale nga padayunon ang ubang programa sa iyang igsuon sama sa Suroy-Suroy Sugbo nga nag-pausbaw sa turismo sa probinsya.
Niadtong niaging adlaw gibutyag ni Magpale nga padayunon niya ang Suroy-Suroy Sugbo apan ang problema niya ang ubang mga mayor nga alyado sa One Cebu nga dili ganahan mosalmot sa mga programa nga siya ang magdala. Sa miaging Suroy-Suroy Sugbo niadtong Enero, usa ang Dumanjug sa siyam ka munisipalidad nga wala mosalmot sa programa.
Apan karon, si Nelson mipahibalong andam na siya makig-uli sa iyang kontra pagka-mayor nga si Liberal Party candidate Cesar Baricuatro.
“Let’s forget politics. Sa akong mga kaatbang, human na man ang election. Let’s work together for a better Dumanjug.†(AJ de la Torre/EIM) (BANAT BALITA)
- Latest
