Tinguwan sugod sa tapos sa Mayo

CEBU, Philippines - Gipahibalo sa buhatan sa Philippine Atmospheric Geophysical and Astronomical Service Administration (PAGASA) gipaabot nila nga magsugod na ang pag-ulan-ulan  sa naghinapos nga mga semana niining bulan sa Mayo hangtud sa tunga-tunga nga semana sa bulan sa Hunyo niining tuiga.

Si Acting Pagasa Mactan chief Alfredo Quiblat sa iyang pamahayag miingon nga bisan kun nakasinati na karon ang Sugbu og mga pag-ulan-ulan ug sa pipila ka mga dapit dinhi sa nasud apan wala pa kini magpasabot nga nahuman na ang ting-init.

Nunot niining nagkaduol na nga adlaw sa ting-ulan, ang  mga lokal nga kagamhanan nangandam sa ilang dapit kontra  sa pagbaha ug pagdahili sa yuta.

Sa dakbayan sa Mandaue, mihingusog sa pagpanglimpiyo sa mga kanal gikan sa mga nagbara nga basura.

Gidid-an na usab ang pagpuyo daplin sa mga sapa. (BANAT NEWS)