Trabahante gitabangan pagpusil

CEBU, Philippines - Usa ka construction worker ang gitabangan og pusil sa iyang kontra nga nag-atang  sa iyang pagpauli gikan nga nanghipos sa iyang mga binuhing kanding didto sa Sityo Kabaasan barangay Sandayung sa siyudad sa Danao niadtong miaging alas 7:00 sa gabii. Wa nay panimuot nga nalandig sa Danao District Hospital si Marcus Manulat, 34, samtang ang suspek mao sila si Basiledes Libotlibot, 59 , ug kauban niini nga si Benvienido Caparoso. Matud ni SPO2 Ildefonso Prosia sa Danao City Police dugay nang may pagdumot ang biktima ug ang mga suspek tungod sa panagbikil. Nakaangkon og daghang samad pinusilan sa kalawasan ni Manulat. (BANAT NEWS)