Patay nangalisbo nakit-an

CEBU, Philippines - Gumikan sa nangalisbong baho, usa ka drayber sa traysikol ang napalgang patay na ug nagsugod na og kadugta sulod sa panimalay niini diha sa Sitio Lusimba, Brgy. Poblacion Ward 3, lungsod sa Minglanilla pasado alas 8 sa gabii sa nilabay’ng adlaw. Ang patay giila nga si Eustaquio Franco Engbino, 60, molupyo sa nahisgutang lugar. Si barangay kapitan  Annabelle Simene mitawag sa mga polis tungod sa reklamo sa mga residente sa kabaho sa ilang lugar, dihang gipangita kun asa kini maggikan didto nila mapalgi si Engbino sa sud sa balay niini nga walay nay kinabuhi. Si Engbino nag-inusara na lang nga nagpuyo sa maong balay human mamatay ang iyang asawa. (BANAT NEWS)