Negosyante naluwas gikan sa kamatayon

CEBU, Philippines - Usa ka negosyante og ukay-ukayan ang samaran human gipusil  sa tulo ka wa mailhing mga tawo diha sa dan Tupas sa Brgy. Ermita ning syudad sa Sugbo kaganihang alas 3:00 sa kaadlawon. Ang biktima giila nga si Florentino Marindoque, 43, molupyo sa Brgy. Duljo-Fatima  ning syudad kinsa padung na pauli dihang gihunongan sa tulo ka wa mailhing lalaki nga nag-riding in tandem ug ang angkas kalit nga mipusil kaniya. Ang biktima naigo sa iyang ilok ug nalamba apan nakahigayon kini pagbarog ug miambak sa sapa. Gidala sa Cebu  City Medical Center ang biktima samtang padayon pa ang imbestigasyon sa kapolisan bahin sa hitabo. (BANAT NEWS)