DepEd mo-hire og 60 mil ka magtutudlo
CEBU, Philippines - Ang Department of Education (DepEd) modugang og 60 mil ka mga bag-ong magtutudlo inigsugod sa klase sa Hunyo sa mga pampublikong tunghaan kay arpobado na ang budget alang sa suhol niini.
Ang DepEd7 usa sa gigahinan niini agi og pagtamod sa kamandoan ni Kalihim Armin Luisto sa DepEd.
Nasuta usab nga ang katibuk-ang gidak-on sa kantidad nga gigahin sa Department of Budget and Management (DBM) mao ang alang sa 61,510 ka maestro ug maestra alang sa tuig 2013.
Matud pa ni Luistro nga mao kini ang solusyon sa nagkahilis nga gidaghanon sa mga magtutudlo sa pampublikong elementarya ug high school sa tibuok nasud.
Base sa DepEd Order No. 23 series of 2013, ang mga magtutudlo nga madestino sa ubang lugar makadawat og “redeployment allowance†nga P18,000.
Gitahasan na ni Luistro ang mga pangulo sa tulunghaan nga adunay sobrang mga magtutudlo nga mohimo og imbentaryo niini lakip na ang ang-ang nga ilang gitudloan aron maoy basehan sa ilang kwalipikasyon. (BANAT NEWS)
- Latest
