Dili political dynasty–Eddiegul

CEBU, Philippines - Di motuo nga political dynasty maoy hinungdan nga naparot si Kong. Eduardo “Eddiegul” Gullas sa pagkamayor sa siyudad sa Talisay.

Si Eddiegul kinsa maoy nakapahimong siyudad sa Talisay City, naparot sa pagpasubli niya og dagan pagkamayor sa maong siyudad batok ni Johnny delos Reyes.  Wala hinuoy pagmahay si Gullas sa gidangatan sa iyang kandidatora ug bukas sa kasingkasing nga mi-concede sa iyang kaatbang ug nagpasalamat sa mga Talisaynong mibotar gihapon kaniya.  “I don’t think dynasty has everything to do with it because the people through their votes will explain,” matud pang Gullas. Napildi siya og kapin 700 ka botos.

Mitambong kagahapon si Gullas sa proklamasyon sa iyang apo nga si Gerald Anthony “Samsam” Gullas kinsa mao usab ang mohulip kaniya pagka-kongresista sa 1st District. Wala palabya ni “Eddiegul” ug mga miyembro sa pamilya ang maong kalihokan.

Apan si Samsam miangkon nga bisan lisud dawaton iyaha na kining gidawat. Giangkon ni Samsam nga bagito pa siya sa politika apan masaligon siyang pinaagi sa apohan makat-on siya sa dagan sa kinabuhi sa usa ka politiko. Tumong ni Samsam ini og lingkod sa Kongreso nga ihatag ang iyang gipanaad sa mga taga first district sama sa edukasyon, maayong suplay sa tubig, elektrisidad sa mga sitio, kabatan-onan ug sports, ug imprastraktura. (/EIM) (BANAT NEWS)