Davide, Magpale giproklamar na
CEBU, Philippines - Pormal nang giproklamar isip mananaog sila si Atty. Hilario “Junjun†Davide III ug Acting Governor Agnes Magpale nga parehong ubos sa Partido Liberal isip mga bag-ong gobernador ug bise-gobernador sa Sugbu. Saktong alas 2:15 nga misulod ang tanang botos kagahapon gikan sa nagkalain-laing mga syudad ug probinsya sa Sugbo busa wala nay igong rason nga dili maproklamar ang mga mananaog sumala pa sa Comelec. Si Magpale unang giproklamar ni Provincial Comelec Supervisor Atty. Eddie Aba alas 3:20 sulod sa Social Hall sa Kapitolyo samtang si Davide alas 3:22 na sa dihang giproklamar usab.
Ang gobernador ug bise-gobernadora gikuyogan sa ilahang tagsa-tagsa ka pamilya, paryente, amigo, ug kaalyado sa pulitika nga miuban pagduyog kanila sa malipayong resulta sa eleksyon.
Gipildi ni Davide ang iyahang kaatbang nga si Pablo John “PJ†Garcia sa labaw nga botos nga 163, 906. Nakakuha lang sa botos nga 490,148 si Garcia samtang 654, 054 kang Davide.
Matud ni Davide nga iyahang ipadayon ang programang iyang gisaad sa katawhan ilabina ang programa sa pag-uma.
Samtang si Magpale masaligon nga walay problema ikatrabaho ang mga nakadaog gikan sa laing partido kun ang tinguha nila tinud-anay nga serbisyo sa publiko.
Ang amahan ni Davide nga si kanhi Chief Justice Hilario Davide Jr. diha usab sa proklamasyon.
“Only the father knows very well his son. I know that he is qualified and I know that he would also be a model public servant by taking account like what I did into the government 40 years ago,†matud pa sa amahang Davide. (Kristianne Marie Alcaria, CNU Intern/EIM) (BANAT NEWS)
- Latest
