Tony ug Alvin di himoong consultant ni Mike

CEBU, Philippines - Si Mayor Michael  Rama dili mokuha isip  iyang  mga  consultant kanila ni former Cebu City south district congressman, Antonio Cuenco ug ni kanhi Cebu City Mayor Alvin Garcia .

Gihulagway ni Mayor Rama nga mga beterano ug seasoned na kaayo   sila si Cuenco ug  Garcia sa natad sa politika hinungdan nga angayan lang hatagan og gibug-aton ang ilang mga komento ug suhestyon

Dugang pa ni Rama nga magpabilin si  Garcia nga aktibo  sa  politika  human sa ilang kasabotan nga ipadayon ni Rama ang mga proyekto  nga  nasugdan  na sa panahon ni Garcia   nga  naglakip  sa  waterfront development project.

Gibutyag usab ni Rama nga malipayon siya nga makigtrabaho   uban  kang Junjun Davide kung mao na gayud kini ang molusot nga mananaug   sa pagka- gobernador sa lalawigan sa Sugbo.

Si Rama nagkanayon nga wala siyay problema kang Davide.

 Iya usab  nga  gibutyag nga iya kining gitanyagan nga mao untay iyang padaganon isip kongresista ubos sa iyang partido.

Dugang pa niya nga dili lisud ang pakig-estorya kang Davide tungod sa personalidad niini ug sa kamaayo sa batasan niini. (BANAT NEWS)