PCOS machines mikagar

CEBU, Philippines - Bisan sa taas nga panahong pagpangandam, daghang mga Precinct Count Optical Scan machines ang nipalyar atol sa eleksyon kagahapon. Duha ka makina sa barangay Tejero ang mipalyar pagkahapon ug sayo sa buntag. Ang usa wala dayon moandar kay dunay napislitang button ang usa ka BEI ug na-lock ang makina maong nalangay ang pagsugod sa pagbotar.

Nagkabaylo usab ang Consolidation and Canvassing System (CCS) machine nga alang sa syudad sa Sugbu ug ang CCS nga alang unta sa probinsya. Si Cebu City Election Officer Atty. Ferdinand Gujilde nagkanayon nga nalipat ang taga Office of the Provincial Election Supervisor sa paghatod sa maong makina.  Nakurihian ra kini dayon.

Samtang nagpanon usab ang mga botanteng mireklamong nawagtang sa listahan sa mga rehistradong botante diha sa buhatan sa Comelec kagahapon.

Kasagaran kanila nakurat nga nawala ang ilang mga pangan sa lista tungod kay nagtoo sila nga kausa ra sila wala nakabotar.

Apan giesplikaran sila sa Comelec nga tungod sa wa nila pagbotar niadtong 2010 ug wala usab ma-revalidate ang ilang rehistrasyon.

Sa laing bahin, usa ka PCOS machine ang napalyar diha sa barangay Pooc.Matud ni Flordeliz Alueta, PCOS Tech Supervisor nga posibleng nag- overheat kini. Laing makina usab ang napalyar sa barangay Bairan, dakbayan sa Naga ug temporaryong nahunong ang botasyon.Gawas niini nianang pagkabuntag ang PCOs machine sa barangay Alpaco ug Jagimit mipalyar usab.          Si Bertha Blaise Camomot, election assistant sa dakbayan sa Naga nagkanayon nga pwede gihapong mapadayon ang botasyon bisan og napalyar ang PCOS. (Brenda Batuto, Jessa Celocia, CNU Intern/EIM) (BANAT BALITA)