Mga PWDs nagmahay ni Mike
CEBU, Philippines - Daghang mga Persons with Disabilities (PWDs) nga nahiubos kay gihulagway nila nga gikalimtan sila sa administrasyon ni Mayor Michael Rama samtang gipangga pag-ayo ang mga senior citizens.
Si Nicolas “Kolas†Silot nga usa ka buta ug taga barangay Basak-Pardo miingon nga siya ug ang mga kauban niya nga PWD nahiubos kaayo ni Mayor Rama kay wala gayud sila hatagi bisan og katunga sa ilang cash assistance.
Tag P3,000 ang tinuig nga cash assistance sa dakbayan sa Sugbo alang sa matag PWD apan gikan kaniadtong Enero wala pa gayud sila hatagi dili sama sa mga senior nga gihatagan na og tag P4,000. Adunay mga 10,000 ka PWD nga ania manimuyo sa dakbayan sa Sugbo apan dili tanan kanila mga botante kay ang ubang PWD mga bata pa.
Kini maoy gitan-aw nga rason nila ni Silot nga wala kaayo sila tagda kay gamay ra ang ilang gidaghanon.
“Gamay ra tuod mi apan kun iphon og apil ang among mga sakop sa pamilya daghan na. Diha sila masayup si Mayor Mike nga wala ra mi nila tagda,†matud sa buta nga si Silot.
Matud ni Silot nga managsama sila og sentimento ang mga PWD atol sa ilang gihimong tigum-tigom. “Paita namo nga mga PWD wala lang mi nila huna-hunaa. Ang mga opisyal sa barangay nga aduna pay honoraryom nga gidawat sa barangay giuna pa nila sa paghatag,†matud sa maong buta. (BANAT NEWS)
- Latest
