Driver gipusil patay sa silingan

CEBU, Philippines - Namatay  ang  usa  ka  lalaki  human  kini  pusila  sa  iyang  silingan sa 29 F. Pacaña St., barangay Punta Princesa, ning dakbayan  sa Sugbo  kagahapon  sa buntag.

Ang  biktima  giila  nga   Alex Indanao, 52, minyo, taxi driver  nga taga Punta Princesa, samtang  ang  suspetsado  mao  ang  iyang  silingan  nga  si   Carmelo Jenovisa, 55, ug usa ka masyador sa buwangan.

Sumala  sa kapolisan  nga samtang   natulog  ang  biktima sa  ilang  sofa, kalit nga  mitumaw  ang  suspek  ug  gipusil  kini.

Ang   anak  sa biktima  nga nakigtabi  sa  iyang  amigo  maoy  nakasaksi  sa  maong  pagpamusil.

Ang biktima kinsa  nasabak   sa  bala  sa walang  dughan   daling gihatud  sa  mga kabanay  ngadto sa Cebu City Medical Center (CCMC) apan gidiklarar kini  sa  doctor nga patay  na.

Nasikop hinuon  dayon  sa kapolisan  ang suspetsado  ug   gitanggong   dayon  kini  sa Cebu City Police Office (CCPO)  samtang  gipaabot  ang  tukmang  kaso  nga  ipasaka  batok kaniya  sa  mga kabanay  sa biktima.   (BANAT NEWS)