Ulitawo nga gi-niyerbyos naghikog

CEBU, Philippines - Patay nang napalgan sa iyang mga silingan ang  usa ka  mananagat  nga  nagbitay  sa sanga  sa mangga  didto sa Sitio Macaboc, Brgy. Japitan, lungsod sa Barili  sa miaging  buntag.

Ang   boluntaryo  nga  nagpakamatay  sa  kaugalingon  mao si Anolito Alquizalas, 19, ulitawo ug molupyo sa nahisgutang lugar.

Sa pasiunang  imbistigasyon sa kapolisan sa Barili nga gipangunahan nila ni PO1 Ronnie Guzman ug PO2 Richard Cabatbat, nasuta  nga ang inahan sa biktima nga si Bebiana Alquizalas   maoy mibutyag   nga iyang anak dugay  na  nga nag-antus  sa sakit  nga  nerbyos .

Matud  pa ni  Bebiana nga milakaw  kini   niadtong Miyerkules  sa alas 8:00 sa gabii apan  wala na kini mahiuli  .

Apan  ang  ilang  mga  silingan  nga  sila  si  Florante Las-eras ug Eusebio Carbon, kinsa  nanguha  og  puso  sa saging   sayo  sa buntag  niadtong  Huwebes maoy    nakadiskobre    sa patay’ng  lawas  ni Alquizalas  nga nagbitay  sa sanga  sa mangga pinaagi  sa pisi  nga  gihikot  sa liog  niini  ug  ang  pikas  tumoy  gigaid  sa sanga  sa maong  kahoy. Sa pakighinabi sa Banat News kang PO2 Richard Cabatbat, gibutyag  niini  nga walay foul play   ang kamatayon  sa maong ulitawo. (Darrel A. Carumba ug  Ray Anthony Espedido, CNU Intern/WC) (BANAT NEWS)