Customs Sub-Port of Mactan pasado sa anti red tape test
CEBU, Philippines - Nakapasar sa Anti-Red Tape test nga gipahigayon sa Civil Service Commission (CSC) ang Customs Sub-Port of Mactan sa Mactan-Cebu International Airport gikan sa onse ka mga BOC sub-ports sa tibuok nasud.
Sa maong resulta ang Customs Port of Manila maoy nag-una diin adunay grading nga “good,†Customs Port of Batangas ug Sub-Port of Mactan pulos gigraduhan og “acceptable†samtang 150 ka ahensiya sa gobiyerno ang nahagbong sa maong test.
Si Atty. Paul Alcazaren, ang sub-port collector sa Mactan mipadayag nga “transparency†ug ang pagsunod sa balaod sa Civil Service laws maoy usa sa rason nga nagmalampuson ang ilang tinguha.
Usa sa gihimo sukdanan nga gibasehan sa CSC mao ang “frontline services delivery, service quality, physical working condition and over all client satisfaction†subay sa Anti-Red Tape Act of 2007.
Matud pa ni Alcazaren ang kausaban nga iyang gihimo sa ilang buhatan ug sa maayong pagdumala sa iyang mga opisyal ug empleyado maoy hinungdan sa ilang naangkon nga pasidungog. (BANAT NEWS)
- Latest
