Muslim traders mi-endorsar ni Osmeña
CEBU, Philippines - Grupo sa mga Muslim mi-endorsar kang Congressman Tomas Osmeña ug sa mga sakop sa Bando Osmeña Pundok Kauswagan (BOPK) karung umaabot piniliay Mayo 13.
Si Sultan Naif Punut kinsa maoy presidente sa Council of Elders for Muslims in Central Visayas ug mao sab ang chairman sa Colon Traders Cooperative nagkanayon nga si Osmeña maoy ilang gipili nga tugyanan sa ilang mga boto.
Gihulagway nila nga maayo ang pagkadala ni Osmeña sa mga Muslim dinhi sa Sugbu ug mao nay ilang gisuportaran sukad pa kaniadto.
Wala usab ilimod ni Punut nga anaay mga Muslim nga adto midapig ni Mayor Michael Rama apan matud niya nga gamay ra sila nga grupo.
Si Osmeña sa iyang bahin dako og pagsalig sa suporta sa mga Muslim isip siya usa ka Sultan sa Cebu.Sa pagkakarun anaay di mominos dose mil ka mga rehistrado nga botanteng Muslim sa Sugbu. (BANAT NEWS)
- Latest
