Katapusang hunat meeting de avance gipangandaman
CEBU, Philippines - Sa dili pa moabot ang Mayo 13, adunay pagahimuon nga “Miting de Advance†ang mga kandidato isip ilang kataposang hunat aron maagni sa ilang plataporma ang mga botante.
Sagad kanila adto mopahigayon niini sa ilang mga yutang natawhan o ba kaha asa magbase ang kinabag-an sa ilang supporters.
Ang modagan pagkagobernador sa Sugbo ubos sa Partido Liberal nga si Atty. Hilario “Junjun†Davide mohimo sa iyang “Miting de Advance†sa Cebu Technological University sa Argao nga anaa mahimutang habagatang bahin sa Sugbo karong Mayo 8. Ang Independenteng mokandidato pagka bise gobernador nga si Glenn Soco mopahigayon usab og susamang kalihokan sa dakbayan sa Mandaue nga pagasugdan sa motorkada ug humanon sa rally.
Sa laing bahin, si Roliveth “Boyet†Cortes nga radio ug tv blocktimer nga usa usab ka independenteng kandidato mibutyag nga dili na siya mopahigayon og “Miting de Advance†apan iyang giklaro nga dili kini igong rason aron momenos iyang boto sa umaabot eleksyon. (BANAT NEWS)
- Latest















