Urban Poor Federation mopaluyo sa team Rama
CEBU, Philippines - Gi-endorsar sa kahugpungan sa mga urban poor ang Team Rama party kagahapon atol sa ilang panagtapok. Ang Urban Poor Solidarity Federation (UPSFED) kinsa dunay 300 ka membrong asosasyon sa tibook syudad mipahibalo nga sila mopaluyo sa mga kandidato ni Mayor Michael Rama.
Matud ni UPSFED secretary Evangeline Abejo nga dul-an sa usa ka libo ang mitunga.
“Kaming mga leaders sa UPSFED, identified na man gyud mi nga supporters ni Mayor Mike (Rama).
Pero dili sad ikalalis nga duna gyuy mga miyembro nga atua sa pikas,†si UPSFED president Samsin Chiu miasoy. Dugang niya, bisan ang ilang bise presidente dayag man nga nagsuporta sa Bando Osmeña Pundok Kauswagan (BOPK).
Sa iyang bahin, dili motoo si Kongresista Tomas Osmeña nga dul-an usa ka libo ang mitambong sa panagtapok.
“Around 500 pax (persons), including DWUP staff. Coming from eight barangays. Only 4 known urban poor leaders.
Very easy to hakot to White Gold. No covenant signing, just a sermon from Mike (Rama),†si Osmeña miingon.
Ang panagtigum gihimo usab nga First Homeowner’s Association Conference sa dakbayan sa Sugbo diin si Division for the Welfare of the Urban Poor (DWUP) chief Atty. Collin Rosell nagsilbing tigpasabot sa mga isyu kabahin sa estado sa mga urban poor sa Cebu City. (BANAT NEWS)
- Latest
