Lab-asero ug anak gi-ambush

CEBU, Philippines - Drugas ang gitan-aw karon nga motibo sa pagpatay sa usa ka lalaki human kini pusila sa kadalanan sa Sitio Poso, Brgy. Poblacion, Cordova Cebu alas-12 sa niaging adlaw.

Ang biktima giila nga si Ramil Macan, molupyo sa naasoy nga lugar kinsa nagsakay og traysikad uban sa 11-anyos niyang anak nga babaye padung unta mangompra og isda sa Pasil sa Cebu City.

Matud pa ni SPO1 Danilo Alburo sa Cordova Police Station samtang nagsakay sa traysikad nga gimaneho sa usa ka Aldrin Roxas, 21, padung sa terminal sa Poblacion kalit silang gituparan og itom nga motorsiklo ug gipaulanan og bala ang biktima.

Patay na kini pag-abot sa tambalanan samtang nakuha ang unom ka basiyo sa kalibre 45 nga bala diha sa crime scene. (Bong Soriano, Romeo Limpangog ug Ray Anthony Espedido, CNU Interns/EIM) (BANAT NEWS)