Duha naghikog
CEBU, Philippines - Duha ka mga lalaki ang napalgang patay nga pulos gituohang naghikog sud sa ilang panimalay sa managlahing dapit.
Patay na si Eljer Tapales, 20, taga Brgy. Basdiot, Moalboal dihang napalgan sa amahan niini nga si Algery nga nagbitay na gikan sa kisame. Gisuwayan unta kini og dala sa Badian District Hospital apan gideklarar kining dead on arrival. Gibutyag ni Algery ngadto sa kapolisan nga nahiubos ang anak sa maguwang niini nga babaye tungod sa nawalang kwarta. Samtang napalgan sud sa usa ka payag sa Sitio Lamakan, Brgy. Luray II, dakbayan sa Toledo si Jimmy Flores Cabase, 32, lumolupyo sa maong dapit, gituohang naghikog kini.
Sa imbestigasyon nga gihimo ni SPO3 Praxilo Albiso, ang ig-agaw ni Cabase nga si Clementia Galgoris mibutyag nga buwag si Cabase sa iyang asawa ug kanunay na lang kining makitang hubog. (Genevieve Dejito ug Ray Anthony Espedido,CNU-Interns/EIM) (BANAT NEWS)
- Latest
