20 ka buta nahimong therapist

CEBU, Philippines - 20 ka mga buta  ang  gipapanumpa isip lisensyadong therapist sa Committee of Examiners for Massage (CEMT) sa Department of Health (DOH)

Kini  human  sila  mopasar  sa  eksamin  nga gipahigayon  sa  DOH  dili  pa  dugay.   Usa  sa bag-ong  nakahupot  og  lisensya  sa pagkamasahista  mao si Olymer Adiva, 24,  kinsa maoy ika-tulo nga labing  taas  og rating  sa  eksamin  nga gihatag  kanila. Gidayeg usab ni Kenneth Ronquillo, chairman sa CEMT ang Department of Social Welfare and Development 7 (DSWD-7) diin nahimong usa ka nag-unang ahensya nga motabang sa mga tawo nga adunay mga apan sa lawas o Persons with Disability (PWD).  

Dugang pa ni Ronquillo nga gikinahanglan gayud nga hitsas sa maayong kaalam ug abilidad ang mga therapists diin kini nagkinahanglan usab og dugang kusog alang sa mga buta apan ang balaod partikular kaayo alang usa ka tawong massage therapist, kinahanglan nga aduna gayud kini gihuptan nga lisensya.   Ubos sa Presidential Decree (PD) 856 nga ang mga massage therapists kinahanglang mokuha og sertipikasyon nga giluwat gikan sa DOH sa dili pa kini manarbaho.  (BANAT NEWS)