Mariñas ginganla’g yabag ni Marlon

CEBU, Philippines - Gipakasama   ni  Barili Vice Mayor Marlon Garcia  sa    tawong nagsalimuang  ug  nayabag  ang  ilang  mayor  tungod  sa gipadala  niining  suwat  ngadto  sa management sa Cebu CFI Community Cooperative nga mipasidaan  basin  gamiton  kuno  ang  pundo  niini  alang  sa  pagpangampanya sa mga Garcia.

Matud ni Bise Mayor Garcia, nga “nayabag  ug  nagsalimuang   na si Mayor Teresito Mariñas”.     “It’s not only very childish of him, he’s being paranoid”,  sumala  pa  ni Garcia  kinsa  mipabati  sa iyang  kalagot  ug  kapungot  batok  sa mayor.

“Maayo lang og siya’y makabintaha sama sa pagdawat niya og P2 M gikan ni Magpale, kusog kaayo siya nikatawa kay naa na kuno sila’y bala sa gubat. Unya karon, he fears a figment of his imagination?”  dugang pa ni bise mayor Garcia.

Sayo  niini usa  ka open letter o letter of concern  ang  gipadala ni Mayor  Mariñas   ngadto  sa tagdumala   sa CFI Coop bahin sa mga reklamo sa  mga membro sa Barili  kinsa  nabalaka nga basin kuno  nga magasto ug mahurot  ang pundo sa kooperatiba tungod sa dakong posibilidad nga magamit kini sa pangampanya sa mga Garcia. Giklaro usab ni Mariñas nga dili kini bahin sa politika tungod kay igo  lang  siyang mitabang sa  iyang  mga konstituwente   kinsa  nabalaka  sa ilang  kuwarta nga  napundo  sa CFI Coop.

Matud pa ni Mariñas sa pakighinabi sa Banat News , nga dako  gyud tinuod  og  purohan  “high likelihood” nga magamit gyud sa politika ang budget sa kooperatiba.

Ang inahan nila ni suspended Governor Gwendolyn  Garcia, bise-mayor Marlon, Rep. Pablo John “PJ” Garcia nga si retired Esperanza F. Garcia  maoy founder sa maong kooperatiba niadtong 1970.  Samtang  si Cong. Pablo John “PJ” Garcia  mipasalig  nga dili gyud magamit ang pondo sa kooperatiba  sa pamolitika  tungod kay heavy regulated kini sa Cooperative Development Authority (CDA) ug Bangko Sentral ng Pilipinas. (BANAT NEWS)