Edukasyon sa kalungsuran tinguha sa mga kandidato
CEBU, Philippines - Kung mapiling gobernador, dad-on Kong. Pablo John “PJ†Garcia sa One Cebu Party and dekalidad nga edukasyon ngadto sa kalungsuran pinaagi sa pagtukod og kolehiyo.
Kini ang nag-una sa mga programa ni Garcia nga gipresentar atol sa gihimong Candidates’ Fora 2013 kagahapon nga nagtubag sa pangutana kung unsay mga plano sa mga kandidato alang sa kalamboan sa Sugbo.
Tinguha ni Garcia nga kung unsa ang kalidad sa edukasyon sa mga dagkung unibersidad sa dakbayan sa Sugbo mao usab ang makuha sa mga tinun-an sa kalungsuran.
Ang plano sa independenting kandidato sa pagkabise-gobernador, Glenn Anthony Soco, nitukma usab sa plano ni Garcia nga magtukod og probinsiyal kolehiyo.
Matud pa ni Soco nga hayag kaayo ang kaugmaon sa Sugbo nga mahimo pa nga mag-una sa Southeast Asia sama sa Busan, Hong Kong ug Shanghai.
Gipasabot ni Garcia nga wala nay ganahan sa panguma maong gikinahanglan nga ang edukasyon motubag sa unsay gusto sa katawhan.
Gawas sa edukasyon, gipresentar usab ni Garcia ang ubang programa sa pag-atiman sa panglawas ug ubang panginahanglan, kahigayunan sa panarbaho, pagpalambo sa kulturanhong kabilin, panalipod sa kinaiyahan ug pagpalambo sa mga imprastraktura.
Mitambong usab sa kalihukan kagahapon ang independenting kaatbang ni Garcia nga si Hermelito Bulala kansang plano panggobyerno ipasubay gyud sa Local Government Code. Plano usab niya ang pagpalambo sa mga barangay health centers, panalipod sa publiko ug uban pa. (/EIM) (BANAT NEWS)
- Latest
