Balay sa ofw gilungkab
CEBU, Philippines - Dili momenos sa 110,000 nga kantidad sa mga butang ang nawagtang human gilungkab ang usa ka balay sa Purok Mango barangay Umapad syudad sa Mandaue kagahapon sa buntag. Ang tag-iya sa maong balay nga gilungkab mao si Jayson Alimpangog, 35, nagtrabaho sa Singapore.
Sa report gikan sa IDMB, kon Investigation and Detection Management Branch, sa Mandaue, ang helper sa biktima nga si Marissa Ahub, 30, lumad nga taga barangay Bugang Norte, Bilar Bohol, mibutyag nga sa iyang pag-abot sa balay sa iyang agalon abli na ang main door.
Sa pagsusi sa igsuon sa iyang agalon nga si Ronald Alivio, 38, nawagtang na ang duha ka laptops nga nagkantidad og P80,000, usa ka iPod nga nagkantidad og P30,000, mga ATM cards ug mga alahas nga wala pa matino ang kantidad.
Dunay nakakita nga duha ka lalaki ang nakit-an nilang migawas gikan sa compound nga nagsakay og motorsiklo, nagtuo lang sila nga bisita kadto sa maong compound. Ang kapolisan padayon pa sa imbestigasyon sa maong kaso. (BANAT NEWS)
- Latest
