Tuburan di ipailawom sa Comelec control

CEBU, Philippines - Dili ibutang sa Comelec control ang lungsod sa Tuburan human sa gihangyo ni One Cebu mayoralty candidate Rose Marie Suezo sa Comelec kabahin sa pagpamusil ug paghasi sa iyahang mga supporters.

Giklaro ni Cebu Provincial Comelec Officer Ferdinand Gujilde nga dili basehan ang pagpamusil nga nahitabo kay dili pa sila sigurado kung kabahin kini sa eleksyon.

Gitataw sad ni Gujilde nga ang basehan sa Comelec ug Philippine National Police (PNP) pagbutang sa usa ka lungsod sa Comelec control mao ang armed threat ug election related violence sa nangaging mga piniliay sa maong lugar.

Ang usa ka lugar nga mabutang sa Comelec control  mabutangan og dugang pwersa sa kapolisan aron pagsigurong  walay mahitabong failure of election.

Apan makadaot kini sa imahen sa ilang lungsod ug dili kini maayo sa turismo kay ngil-ad kini paminawon nga gubot ang lugar.

Sayo niini, mireklamo si Suezo nga gipanghasi sa miaging adlaw nga Domingo ang iyang mga sakop. (/EIM)  (BANAT NEWS)