OFW giwarningan batok sa di akriditadong forwarder

CEBU, Philippines - Ang Department of Trade and Industry (DTI) miawhag  sa mga negosyante ug sa Overseas Filipino Workers (OFW) sa paghimo og transaksyon  sa accredited freight forwarder lamang  sa Philippine Shippers' Bureau  kon magpadala sa ilang mga package.

Kini tungod sa 153 na ka mga reklamo  nga nadawat  sa DTI kalabot sa  mga kinarton  nga mga  gipadala sa mga balikbayan nga wala  madawat  sa ilang  mga kabanay  dinhi  sa nasud. Maoy  hinungdan  ang DTI7 miawhag sa  mga hingtungdan  sa pagpadala  sa  ilang mga    ipadala  nga butang  pinaagi sa mga freight forwarder nga akriditado  sa DTI.

Sa samang  higayon giawhag  usab  sa DTI ang publiko nga susihon ang website sa DTI nga dti.gov.ph diin  anaa ang listahan sa mga accredited freight forwarding companies aron makasiguro kini sa tukmang serbisyo.

Mahimong motawag sa DTI direct hotline nga (02) 751-33-30 o mag-email sa [email protected] alang sa dugang pangutana ug kasayuran. (Liezl Mabini Frasno-correspondent/WC) (BANAT BALITA)