158 atleta sa Palaro naigo sa ‘food poisoining’
DUMAGUETE CITY, Philippines – Gibanabanang 158 ka mga athletes gikan sa delegasyon sa Region 8 nga misalmot sa Palarong Pambansa 2013 sa Dumaguete City ang gipang-kalibanga diin pito kanila ang nalandig sa Negros Oriental Provincial Hospital.
Sumala pa ni Capitol Information Officer Adrian Sedillo, sa text message, gimando na ni Gov. Roel Degamo ang pag-imbestigar sa hinungdan niini. Ang mga atleta diha temporaryong nagpuyo sa Colegio de Sta. Catalina de Alejandria (COSCA) sa Dumaguete City.
Wala pay gipagawas nga pamahayag atol ning pagsulat sa balita sila si Dr. Salustiano Jimenez, provincial schools superintendent sa Negros Oriental nga si Angelo Tiongson sa Provincial Disaster Risk Reduction and Management Council (PDRRMC) nga sakop sa Incident Management Command System sa Palarong Pambansa kalabot sa maong hitabo.
Dunay 12 mil ka mga atleta gikan sa tibuok nasud ang misalmot sa Palarong Pambansa 2013 nga mahitabo sugod Abril 21 ngadto sa petsa 27. (BANAT NEWS)
- Latest
