Joavan mihimakak sa alegasyon kaniya
CEBU, Philippines - ‘Ug wala siya’y sala, magpakita siya mag-abot mi sa fly-over sa Tabunok,†kini maoy hagit sa hepe sa kapolisan sa lalawigan sa Sugbo, Sr. Supt Patrocinio Comendador.
Miyerkules sa gabii, dihang nanawag si Joavan Fernandez sa Banat News aron klaruhon ang tanang pasangil batok kaniya nga wala siya’y kalambigitan niini.
Nanganti usab si Joavan nga iyang buhaton ang tanan aron matangtang sa serbisyo ang hepe sa kapolisan sa dakbayan sa Talisay Supt. Elmer Lim tungod kay nagpataka lang kini og pasangil kalabot sa nahitabong pagpamusil sa South Road Properties sa milabay’ng semana nga siya maoy gipasanginlan.
Matud pang Joavan, subay sa impormasyong iyang nadawat gikan sa amahang si Mayor Socrates Fernandez, nagsakay og puti nga Innova ang mipusil kang Eduardo Largo, apan nianang pagkabuntag nausab na ang pamahayag ni Lim tungod kay nagmotor na usab kini.
Saysay pa ni Joavan nga dunay logbook ang motel nga iyang gikatulgan nianang tungora. Matud niya padung unta silang mamilit og posters sa iyang amahan apan wala mahinayon maong mi-checkin siya sa maong motel. Samtang gihimakak usab ni Joavan nga iyang mga higala sila si Manolito Sencil ug Romy Ramas nga nakuhaan og mga high-powered firearms ug ‘shabu. Giingong silang kaubana ni Joavan dihang gisikop sa mga sakop sa Regional Special Operations Group-7. Ang duha gipasakaan na og kaso kagahapon.
Gihimakak usab ni Joavan ang giingong pagpanion niya og armas kay nasuko siyang wala tuguting makapapilit sa poster sa iyang papa. Matud niya dihang wa masugot ang ginang didto sa tupad nga balay sila nananghid ug gitugtan sila sa tagbalay.
“Sa tinuoray lang dugay nako aning kalibutana karon pa ko kahibaw nga ang tucker pusil na diay. Sunod di nako magbitbit og tucker kuyawan nako anang tucker,†pasabot pa ni Joavan.
Matud niya dili siya motahan kay nahadlok siyang ‘planteran’ og mga ebidensya sa mga polis. (Lesley Caminade-Vestil ug Brenda Batuto/EIM)
- Latest
