9-anyos napalgang patay, gidudahang gilugos

CEBU, Philippines - Usa ka patay’ng lawas sa usa ka 9- anyos nga batang babaye ang napalgan nga nagbuy-od sa kasagbutan 15 metros gikan sa Hoopsdome sa barangay Gun-ob, dakbayan sa Lapulapu alas-10 pasado ang takna kagahapon sa buntag.

Si PO2 Winston Ybañez sa Homicide Section sa Lapulapu City Police Office nagkanayon nga usa ka lalaking naila lang sa pangalang “Jojo” nga nagpuyo usab sa maong dapit ang ilang gisukit-sukit kalabot sa maong krimen. Ang bata nga giilang si Ella Lasala, 9, napalgan sa mga sakop sa Clean and Green Program nga nahiagi sa maong dapit ug gipahibalo dayon ang kapolisan. Matud pa nga sa pagsukitsukit sa suspetsado  gikatahong miangkon kini nga iyang gipugngan og maayo ug hugot kaayo ang pagsap-ong niya sa baba sa bata apan wala niya damhang mamatay kini.

Ang suspek gikatahong mibutyag nga wala niya mahilabti ang bata. Wala kini gisuot sa pang-ubos nga bahin dihang napalgan, apan ang kapolisan mirekomendar sa pagpa-awtopsiya sa lawas niini.

Ang bata matud pa niadtong miaging adlaw pa wala mauli  sa ilaha. (Bong Soriano, Romeo Limpangog ug Joeben Carvajal, CNU Intern/EIM)