Davide moukay sa kaso ni Radaza
CEBU, Philippines - Si kanhi Supreme Court Justice Hilario Davide maoy mangunay pag-ukay sa mga kasong anti-graft batok ni Kongresista Arturo Radaza ug sa asawa niini, Mayor Paz, nga anaa natanggong sa Visayas Ombudsman’s Office.
Kini maoy pamahayag ni Efrain T. Pelaez, kandidato pagka-mayor sa dakbayan sa Lapulapu kagahapon atol sa pagbukas sa caravan nga gitawag og “Parada sa Kadaugan†didto sa maong siyudad nga gilangkuban sa nagkalainlaing siktor sa katilingban.
Kauban sa maong parada ang mga lumalaban ni Pelaez nga giayudahan usab sa mga negosyante sa Lapulapu, usa ka kalihukan nga gitawag usab og KoKu kon Kontra Kurakot.
Si Pelaez nagkanayon nga gihugtan nila ang krusada sa paglimpiyo sa pangagamhanan sa siyudad pinaagi sa pagsangpit ni kanhi Supreme Court Justice Hilario Davide aron maoy mangunay pagpikpik sa Visayas Ombudsman’s office nga dalion pagsulbad ang mga sumbong anti-graft batok ni Kongresista Radaza nga gipasaka sukad pa sa tuig 2007.
Matud pa ni Pelaez nga si Davide, amahan sa kandidato pagka-gobernador nga si Hilartio “Junjun†Davide, misaad nga siya maoy mangunay pag-ukay sa mga kaso aron kini madali pagkasulbad pinaagi sa pag-follow- up niini.
“Kinahanglan nga adunay suspension order batok sa mga sinumbong aron mapakgang ang gikatahong mga anomaliya,†dugang pa sa maong tinubdan.
Si Radaza gikatahong nalambigit sa “lamppost anomally†ug sa pagpasaka sa prisyo sa mga gipamalit nga computer sa nangaging katuigan. (BANAT NEWS)
- Latest
