Asawa gikulata sa bana na-black eye

CEBU, Philippines - Napriso  ang  usa ka  bana  human  kulataha  ug gipa-black eye ang  asawa  niini  sa  ilang  balay  sa Borces Street,  barangay  Mabolo,  dakbayan  sa Sugbo sa miaging  gabii.

Ang  biktima  giila  nga  si Greacelda Marata, samtang  ang  suspetsado nga  iyang  bana  mao  si Mario Marata, pulos 34 nga nagpuyo  sa maong  lugar.  Human  ireklamo  sa biktima  ang  iyang  bana  ngadto  sa kapolisan,  gisikop  ang  naulahi  ug  gipriso.

Sulod  sa prisohan  gi-interview  sa Banat  News  ang  suspek  ug  misaad  kining  dili na  niya kulatahon    pag-usab  ang  iyang  asawa  ug  nangayo  usab  og  pasaylo  sa biktima.

Hinuon  ang asawa  nga  naluoy sa  iyang  bana  bisan  may black-eye  kini,  giingong    mitibi  nga    nagsud-ong  sa suspek  nga  mikagulkol  sa prisohan sa Mabolo  Police Station ug  misaad  nga  dili na  mopasaka  og  kiha  batok  sa iyang  bana . (BANAT NEWS)