Pagpribado sa hospital sa goberno gisupak
CEBU, Philippines - Supak ang duha ka kandidato pagka- senador nga ipa- pribado ang mga hospital sa goberno sa tibuok Pilipinas.
Matud pa ni kanhi kongresista Cynthia Villar nga dili gayud angayan nga himoong pribado ang maong mga hospital kay makaluluoy kaayo ang mga kabus.
"Almost all na mahihirap ay nagpapagamot sa mga government hospitals. I don’t think it will be fair for them na gawing private yung mga hospitals. Kasi pag privatized na, profit na ang motive and no longer public service," matud pa ni Villar nga nahinabi sa Banat News.
Nagkanayon si Villar nga mahal ang health services busa maglisud gayud ang mga kabus gani maglisud na man sila sa pagpalit bisan sa tambal pa lang.
Si Villar, kanhi kongresista sa Las Pinas sa tuig 2001-2010, ug miingon nga iya gayud gigahinan og dakung kantidad gikan sa iyang pork barrel or Priority Development Assistance Fund ang government hospital sa iyang lugar.
"Kasi ang mahihirap, walang pambili nang gamot kaya doon kinukuha sa pork barrel. Pambili pa nga lang nang gamot, hirap na, paano na lang kung matuloy ang privatization?. Hindi ako sang-ayon diyan," matud pa ni Villar, kinsa magpapili isip senador karong umaabot nga piniliay ubos sa Team PNoy.
Sa laing bahin si Mitos Magsaysay , laing kandidato sa pagka-senador sa iyang bahin miingon nga daku usab siyang supak sa maong plano pagpapribado sa tambalanan sa kagamhanan
"Privatizing government hospitals would be very disadvantageous especially among the poor," matud pa ni Magsaysay .
Si Magsaysay, kinsa magpapili sa pagka- senador ubos sa United Nationalist Coalition midungag nga kaning gobyerno ni Aquino nagpadulong na ngadto sa privatization.
"It will come a time that only the Office of the President is left not being privatized," matud pa ni Magsaysay.
Ang House Bill 6099, nga nagsugyot nga himoong pribado ang mga hospital sa gobyerno anaa pa karon nag-ung ong sa House of Representatives.
Ubos sa maong proposed bill mao ang pag-privatized sa 26 ka mga hospital, apil na ang Vicente Sotto Memorial Medical Center sa dakbayan sa Sugbo.— (FREEMAN)
- Latest
