Villar mitudlo’g sekreto sa magtiayon

CEBU, Philippines - Ang sekreto   aron  molungtad   ang kaminyoon sa magtiayon mao ang pagtinabangay sa bana  ug  asawa   alang sa kalamboan sa  pagpuyo.

 Mao kini ang pamahayag ni kanhi Las Piñas Congresswoman Cynthia Villar kinsa gi-anggaan nga "Misis Hanepbuhay" atol sa proclamation rally sa Cebu First District   sa miaging  adlaw didto sa siyudad sa Naga, Cebu.

 "Kayong mga asawa dapat tulungan ninyo ang inyong mga husbands sa paghahanap buhay hindi yong puro na lang kayo tsismis, pag bibingo, pangunguto at kayo namang mga lalaki dapat mahalin ninyo ang asawa ninyo," sumala  ni  Villar.

Ang kanhi kongresista, kinsa  magpapili pagka- senadora ubos sa Team PNoy nagkanayon nga daku kaayong hagit kaniya sa paghatag og nagkalain laing livelihood projects,   nga  iya  na  nga  nasugdan   didto sa  iyang dapit.

Ang  mga livelihood projects ni Villar  naglakip  sa  tubig, basket weaving, coconut weaving, plastic pulverizing, organic composting, handloom blanket weaving ug  citronella oil-making.

Matud  pa  ni  Villar  nga kaliboan  na  ka  pamilya  ang  natabangan  niya  pinaagi  ning  maong  mga  proyekto  nga  gipatuman  sa kapin na  sa 100  ka  mga  siyudad ug  lungsod  sa nasud.

"Dahil kung may hanap buhay, hanep ang buhay," matud pa ni Villar sa iyang mensahe. (BANAT NEWS)