Lalaki mi-hostage sa kapuyo kay di gustong buwagan
ILOILO CITY, Philippines --- Usa ka 21-anyos nga estambay ang giingong mi-hostage sa iyang kapuyo sud sa usa ka oras sa gitrabahoang fastfood chain sa babaye. Nadakpan hinuon ang suspek nga si Jerome Dicañas, residente sa Aguinaldo, La Paz District human niya gibuhian ang kapuyo nga si Malou, 19-anyos. Walay tatsa ang babaye.
Matud pa ni Senior Supt. Ruperto Floro, Iloilo City Police chief, misulod sa fastfood chain outlet sa usa ka mall sa Valerio–Delgado St. diin magtrabaho si Malou isip service crew.
Sumala pa nga armado og usa ka Swiss knife si Jerome ug diretsong milayog sa babaye ug gidala kini sa crew room sa second floor.
Daling nakaresponde ang kapolisan ug nakig-negosasyon sa suspek. Si Supt. Uldarico Garbanzos, chief sa Iloilo City Public Safety Company maoy nibarog nga negotiator sa maong hitabo.
Sumala pa sa report nga nasuko ang suspek ngadto sa dalaga dihang gipahibalo siya sa naulahi nga magbuwag na silang duha. Ang duha adunay usa pa ka tuig nga anak nga babaye.
“Basically, we told him to talk things out with his partner. It was good that he listened to us,†matud pang Floro.
Kasong serious illegal detention ug kalapasan sa Comelec gun ban ang posibleng ipasaka batok sa suspek. (/EIM) (BANAT NEWS)
- Latest
