Radaza mimando campaign material ipatangtang

CEBU, Philippines - Gimandoan ni Lapulapu City Mayor Paz Radaza ang mga sakop sa City Environment Natural Resources Office (CENRO) sa dakbayan sa Lapulapu lakip na ang mga sakop sa Clean and Green sa pagpanangtang sa mga  campaign  material nga  illegal nga  gipamutang sa  palibot  sa maong  dakbayan.

Si Engr. Roderico Tagaan  , hepe sa CENRO  milihok usab  dayon   sa  pagpanangtang   sa   mga poster nga iya sa partidong DERETSO 4 ang lokal nga partido sa mga Radaza.

Ang mando  ni  Radaza  maoy pagtuman sa COMELEC Resolution 8515 nga nagdili sa  pagpanaod  o  pagpamutang sa  mga campaign material  sa mga lugar nga wala itugot sa COMELEC.

Gumikan niiini ang mga supporter sa kampo ni Radaza  nangunay sa pagpanangtang sa ilang mga materyales   nga  gibitay,  gilansang  ug  gipapilit sa mga kakahoyan , poste sa kuryente  ug  sa  mga  pader  daplin  sa karsada  nga gidili sa COMELEC.

Samtang nanghinaut si Engr. Tagaan nga   buhaton  usab  unta  kini  sa ubang kandidato aron dili hugaw tan-awon sa mga   tawo  ilabi  na  sa mga  turista nga mobisita sa dakbayan sa Lapulapu ilabi na niining panahon sa   ting-init. (/WC) (BANAT NEWS)