Negosyo ni JV Ejercito Estrada wa ikarga sa SALN?
CEBU, Philippines - Ang nag-unang kandidato sa pagka- senador sa UNA nga si JV Ejercito Estrada naglaum nga ang Philippine Center for Investigative Journalism (PCIJ) wala nagpadala sa manipulasyon sa mga "tawong desperado" sa hugaw nga duwa sa politika.
Si Estrada mitubag sa migawas nga balita sa PCIJ, nga nanag-iya kuno siya og usa ka kompaniya nga mao ang Ice Bell Properties Limited nga nahimutang sa British Virgin Islands.
Apan matud pa sa maong report sa PCIJ nga ang maong kompaniya wala kuno ideklarar ni Estrada sa iyang Statement of Assets, Liabilities and Net worth (SALN).
"To the best of my knowlegde, I have truthfully and accurately declared all my assets, liabilities and net worth in my SALN," matud pa ni Estrada sa iyang press statement nga gipadala sa Banat News.
Nagkanayon si Estrada nga ang maong “expose" makapaduda kay lagi siya man maoy usa sa mga kandidato sa UNA nga midagan og senador nga anaa pirme mahimutang sa "winning list" sa mga survey nga gipahigayon sa mga nagkalain-laing polling organization
Gani sa bag-o lang nga Social Weather Survey, siya ni landig sa ika -tulo nga pwesto.
"I have heretofore held high respect to the PCIJ. I hope that they are not falling to the manipulation of desperate people in dirty politics," matud pa ni Estrada. (/WC) (BANAT NEWS)
- Latest
