Rally sa Deretso 4 gihugpaan sa mga tawo
CEBU, Philippines - Gihugpaan sa gibana-banang tulo ka libo ka dumadapig ang gibuksang rally sa lokal nga partido sa dakbayan sa Lapulapu nga giila nga Deretso 4 didto sa Brgy. Marigondon sa maong dakbayan sa milabay’ng gabii.
Ang maong rally gipangulohan ni Mayor Paz Radaza ug anak niining si Aileen Radaza nga magpapiling kongresista sa maong dakbayan.
Sa maong rally si Cong. Arturo “Boy†Radaza mitambong usab isip founder ug campaign manager sa maong partido.
Ang mga pamilyang Radaza mipasalig nga dugang kalambuan ang ilang ihatag sa katawhan sa maong dakbayan sa umaabot pang mga tuig sa ilang pagdumala sa maong lugar. Laing gipasalig ni Radaza mao ang paghatag og P100,000 sa matag senior citizen nga moabot og 100 ka tuig ang edad.
Mitambong usab sa maong rally ang mga kandidato pagkakonsehal nga sila si Harry Don Radaza, Dongdong Berdin, Leo Mercado, Eddie Cuizon, Atty. Florito Pozon, Atty. Titing Senerpida, Dr. Alexander Gestopa, Queenie Malingin Ahman, Boy Patalinghug, Lae Dignos Vidal, Roque Wagwag ug Engr. Efren Herrera uban ni Marcial Ycong nga magpasubli pagka bise mayor sa Lapulapu.
Ang Deretso 4 maoy lokal nga partido sa Campo ni Radaza ubos sa Lakas Campi. (BANAT NEWS)
- Latest
