Nagmotor way helmet patay

CEBU, Philippines - Patay  diha-diha   ang usa ka  ulitawo  nga way helmet  human madasmag  ang  iyang  motorsiklo sa  usa  ka van  nga  iyang  gikasugat didto sa highway sa barangay Talaga lungsod sa Argao kagahapon sa alas 5:40 sa buntag.

Ang biktima mao   si  Crisanto  Alberca , 34, ulitawo, nga  molupyo  sa sitio Payahan, barangay  Bogo, Argao, ug  drayber sa motorsiklo nga Honda .

 Samtang ang drayber sa  Hi Ace Commuter van  nga  kadasmag  niya  mao si Marvin Adlawan, 44, taga Lipata, lungsod sa Minglanilla.

Si PO2 Benjamen Gerozaga sa Argao Police  Station mibutyag  sa Banat News   nga ang Hi Ace van paingon sa siyudad sa Sugbo  samtang  kasugat  usab  niinisa piklas  nga direksyon  ang  motorsiklo  nga  gimaneho  sa biktima.

 Matud pa ni  PO2 Gerozaga  nga  kusog  kaayo  ang dagan  sa motornga  mi-overtake sa tulo ka  sakyanan nga iyang gisundan.

Apan  sa kalit  miguho  ang  simud  sa Hi Ace  nga  may  gikusgon  usab  ang dagan  ug  didto  nakurat  ang  biktima  apan  wala  na  siya’y  kapaingnan  gawas  sa pagdusmog  na lang   sa  iyang  sakyanan  sa  bumper  sa iyang  kasugat. Gumikan  sa kakusog  niyang  dagan  mobanda siya  sa bumper  sa Hi Ace  ug  misalta  siya  ug  nalagpotnga nagbuwag  og  ang  iyang  motor.

Mitugpa  siya sa sementadong  karsada  nga  nagligid  ug  tungod  kay  way  helmet  wa gyud  makapiog ang  iyang  ulo  sa kagahi  sa  sementadong  karsada  nga  napantokan  niini. 

Gidali dayon kini paghatod   ngadto  sa Isidro Kintanar Memorial Hospital sa maong lungsod apan gideklarar   kini nga dead on arrival (DOA).

Samtang ang drayber sa Hi Ace van boluntaryo  usab nga mitahan sa iyang kaugalingon sa buhatan sa kapolisan ug nabalhog dayon kini sa karsel samtang gihikay ang tukmang sumbong nga ipasaka batok niya. (BANAT NEWS)