Menus ang nagpakasal sa 2011 kay sa 2010

CEBU, Philippines - Nagkagamay ang nagpakasal sa tuig 2011 itandi   sa mga miaging tuig dinhi sa Pilipinas, matud pa sa National Statistics Office nga nagpagawas sa maong   record kaniadto pang Marso 27, 2013.

 Matud pa sa NSO nga adunay 476,408 ka kaminyoon ang narehistro sa ilang buhatan sa tuig 2011 diin makita nga ubos kini   kun  itandi  sa 2010   nga  milista  og  482,480  kaminyoon .

 Matud pa ni NSO administrator Carmelita Ericta sa usa ka press release nga ang buwan sa Pebrero maoy labing  paborito nga buwan sa pagpakasal diin   mitala  og  1,799  ka kasal matag  adlaw .

Apan ang buwan sa Mayo maoy daghan   og nagpakasal  nga  mikabat  sa  55,529 nga natala sa rekord.

 Matud pa sa maong survey nga mas gusto sa mga kababayen-an ang magminyo nga batan-on pa  kun itandi  sa  mga lalaki.

 .Nakita usab sa maong survey mga mas daghan ang nagpakasal  pinaagi sa   huwes kun itandi  sa uban   pang klase sa kaminyoon.

 Sa iyang bahin, si kanhi Congresista Cynthia Villar kusganong mibatok sa panawagan   sa   pagpasar  sa   Divorce Law.

 "Ako anti-divorce. Hindi tayo papayag diyan. Kasi kung may divorce sa Pilipinas, yung mag-asawa konting away lang divorce agad. Kawawa naman yung mga anak nila," said Villar, who is married to Senator Manuel Villar for more than 38 years already.

 Si Villar, kinsa buot magpapili isip senador ubos  sa Team PNoy ticket nagkanayon nga mohimo siya og lakang aron sa pag-amendar sa Family Code of the Philippines.

 Nagkanayon si Villar nga ubos sa atong balaod, gitugotan ang annullment ug legal separation sa mag-tiayon apan mahal ang bayad sa maong proseso. "I will initiate for the amendment of  the Family Code of the Philippines na hindi na magiging masyadong mahal ang proseso.  We will make annullment and legal separation affordable especially among ordinary Filipinos lalo na kung hindi na talaga maiiwasan na dapat nang maghiwalay," matud pa ni Villar nga nahinabi sa Banat News. Mi-insistir hinuon si Villar nga mas maayo nga epreserbar gayud sa magtiayon ang ilang kaminyoon tungod ug alang sa ilang mga anak. "Preservation of family is very important. Kasi kung magkahiwalay ang mag-asawa, yung mga anak nila ang kawawa," dugang pa ni Villar. WC  (BANAT NEWS)