Bag-ong Herusalem naa sa Borbon
CEBU, Philippines - Bisan pa sa mga pagsaway sa pipila ka mga tawo ug kaparian, padayon sa ilang balaanong buhat ang mga sakop sa “Sagrada Pamilya†sa Sitio Cadolodolan, Brgy. Logo, lungsod sa Borbon atol sa Semana Santa.
Kini ang pamahayag ni Lebrado “Oliver†Cejano ang nabantog nga “Papa Oliver†nga gitahod sa mga devotos ni Sr. San Egmedio de Martyr ang patron sa kapilya sa “Sagrada Pamilyaâ€. Ang Brgy. Logo lungsod sa Borbon adunay 60 kilometros gikan sa dakbayan sa Sugbo diin personal nga gisaksihan sa Banat News sa maong dapit ang kalihukan sa maong relihiyosong organisasyon atol sa paghandom sa kamatayon ni Ginoong Hesukristo sa milabay’ng Biyernes Santo.
Matud pa ni Papa Oliver nga gisugdan ang maong kahugpongan sa iyang amahan nga si Sr. San Egmedio de Martyr ug sa dihang namatay kini niadtong Pebrero 11, 2007 siya ang gitugyanan sa iyang amahan nga mopadayon sa pagsangyaw sa maayong balita sa katawhan alang sa ilang kaluwasan panahon sa katalagman.
Nagsugod ang debosyon sa iyang amahan sa dihang usa ka tawo ang mipakita kaniya ug mipadayag nga anaa sa maong dapit ang “Tubig ug Kahoy†sa kinabuhi ug kinahanglan nga bantayan kini kay mao kini ang proteksiyon, makaayo sa sakit ug makaluwas sa katawhan ngadto sa mga katalagman inigbalik sa Ginoo dinhi sa yuta.
Natukod ang maong kapilya niadtong 1994 ug gitawag kini nga “Bag-ong Herusalem†sa nasud diin si bisan kinsa nga moduol kanila ug bisan unsang relihiyona maluwas panahon sa katalagman sa paghukom sa Ginoo.
Ang maong kahugpongan matud pa ni Papa Oliver miani na og pagbiay-biay ug pagtamay sa pipila ka tawo ug gani gitawag pa kini og “Kulto†ug ang mga pari nga nasayud niini wala mokonsiderar kanila (nga usa ka religious sector), apan ang mga sakop niini nagpabilin sa ilang hugot nga pagtoo, pagpailob ug pagpaubos sama sa pagtamay sa ginoo sa iyang panahon didto sa Herusalem sa dihang misangyaw kini sa mga maayong balita ngadto sa katawhan.
Matod pa ni Papa Oliver walay kalainan ang ilang mga pamaagi sa pag-ampo ug paghimaya sa sagrada pamilya sa ilang matag adlaw-adlaw nga pangamuyo sa Ginoo sama sa pag-ampo sa simbahan sa Katoliko diin kini maoy nakapaaghat sa ilang mga membro.
Pipila ka mga membro niini nasayran sa Banat News nga gikan pa sa mga lagyong lugar sa Kabisay-an ug Mindanao nga mitambong sa maong kalihukan naayo na sa ilang mga sakit.
Lakip sa mga kalihukan sa ilang gihandom sa Semana Santa mao ang pagpasakit sa Ginoo, ang pagpaminaw sa 7 palabras ug ang pag-vigil human sa kamatayon sa manunubos hangtod sa pagkabanhaw sa Ginoo. (BANAT NEWS)
- Latest
