Implimentasyon sa RH Law gipugngan sa Korte Suprema

CEBU, Philippines - Wala pa matapos ang gubat tali sa pro-live ug pro-reproductive health law (Republic Act 10354) advocates human mipagawas og temporary restraining order ang Korte Suprema batok sa implimentasyon niini.

Mipagawas ang labaw nga hukmanan og status quo ante order aron suspensuhon ang implimentasyon sud sa 120 ka adlaw sumala pa sa SC spokesperson nga si Theodore Te. Ang mga justices nibotar 10-5 pabor sa pagpahunong sa order ug gimando ang oral arguments sa RH Bill sa Hunyo 18.  Adunay walo ka petisyon nga gisang-at ang Doctors for Life and the Filipinos for Life  batok sa implimentasyon sa maong balaod.Si presidential spokesperson Edwin Lacierda miingon nga ilang paminawon ang kamandoan sa korte ug andam depensahan sa gobiyerno ang maong balaod. Ang TRO gipagawas sa Korte Suprema pipila ka adlaw human nila aprubahi ang implementing rules and regulations(IRR) sa RH Law nga gikatakda untang i-implimentar atol sa Domingo sa Pagkabanhaw.

Tumong sa RH law ang paghingusog sa mga programa sa gobiyerno sa reproductive health ug pagpalambo sa panginahanglang panglawas sa mga kababayen-an.

Naglantugi og maayo ang mga pro-RH ug ang Simbahan niini sud sa dugay nga panahon. (PhilStar)

Pope Francis pormal  nga milingkod isip  lider sa Simbahang  Romano Katoliko

Ni Lesley Caminade-Vestil

Pormal nang milingkod isip Santo Papa si Buenos Aires Archbishop Jorge Mario Bergoglio kagahapon atubangan sa dul-an usa ka milyon ka tawo sa St. Peter’s Square sa Vatican.

Ang inaugural mass ni Pope Francis gitambongan sa gatosang mga lider sa nagkadaiyang nasud ug mga institusyon sa kalibotan.

Si Cebu Archbishop Jose Palma, kinsa nagsaulog sa iyang ika-63 anyos nga adlaw nga natawhan kagahapon miingon nga angayang himuong ehemplo sa tanan ang ka-simple sa pagkatawo sa bag-ong Santo Papa.

Giawhag usab niya ang kaparian nga sundon ang gibuhat ni Pope Francis ug suportahan kini sa pagpamuno.

“With the new Pope let us be open to the direction he sets and let us pledge our allegiance to him,” saysay pa ni Palma.

Sayo kagahapon sa kadlawon gipahigayon ang mañanita alang sa pagsaulog sa adlaw’ng natawhan ni Palma.

Si Palma miingon nga walay laing labaw pa sa tanan kondili mao ra ang Kahitas-an.

“ I maybe the Archbishop but I’m not the boss, all of us are servants of our great leader the Lord Jesus, that all of us may live in acknowledging that Jesus is our leader,” matud pa ni Palma.

“Unta we journey diha sa atong pagtuo, paglaum ug gugma nga manghinaot nga atong pagtuo magdala og pagbag-o sa atong huna-huna ug kasing-kasing making us true Christian people who love God, love one another, ” pasabot pa ni Palma. (BANAT NEWS)