Mireklamo VS Tf Alpha nibayad og multa
CEBU, Philippines - Kadtong tag-iya og sakyanan nga namasangil nga miabuso ang mga sakop sa Land Transportation Office (LTO) nga midakop sa iyang Hyundai Starex van kaniadtong Marso 1, mibayad na sa iyang multahan.
Ang mga sakop sa LTO Operations Branch mitug-an nga sa una nila nga pagsukit-sukit ni Jose Romero nga nagmaneho sa sakyanan miangkon kini nga giabangan niya ang Starex van og P3,500 ang adlaw aron sakyan sa iyang mga bisita nga langyaw.
Wala na hinoon kini angkona pa ni Romero sa iyang counter-affidavit nga giduso didto sa LTO agi og suporta sa reklamo niya ngadto sa mga road law enforcers nga midakop kaniya.
Si Maria Grizelda Tan nga maoy tag-iya sa van miingon nga gipagamit ra niya ang iyang sakyanan kang Romero.
Ang operation sa LTO ug Task Force Alpha didto sa Lapulapu City gihimo tungod sa daghang report kabahin sa kulurom operation sa mga tag-iya’g sakyanan nga gigamit isip pasaheroan.
“Though there was never any intent to commit the same, respondent and the registered owner, in order to buy peace, humbly submits to the sound discretion of the LTO and in compliance thereof, had voluntarily paid the accompanying penalties,†matud sa abogado ni Tan.
Miabot og P6,327.63 ang gibayran ni Tan tungod sa paglapas sa “colorum operation†nga kalapasan sa Section 40 ug 41 sa Republic Act 4136, kon Transportation and Traffic Code.
Kadtong gusto nga ang ilang sakyanan himoon nga pasaheroan, kinahanglang mangayo usa og pagtugot sa Land Transportation Franchising and Regulatory Board.
Ang abogado ni Tan mihangyo nga dili na lang suspensohon ang lisensya ni Romero ug isipon nga ang ilang gibayad nga multa mao na ang kinatibuk-ang silot sa kasaypanan.
“Take the payment of the violation fees as sufficient penalty for the alleged violation,†matud ni Tan. (BANAT NEWS)
- Latest
