PDAF ni Garcia ideretso na sa segundo distrito

CEBU, Philippines - Gitug-an ni Deputy Speaker Pablo Garcia sa segundo distrito nga nakahukom na siyang i-kanselar ang iyang Priority Development Assistance Fund (PDAF) nga gipugngan sa pagpagawas ni Acting Gov. Agnes Magpale

Matud pa ni Cong. Garcia nga ang mga opisyal  mismo sa Department of Budget and Management (DBM) mipamatuod  nga sayop ang gihimong pagpugong ni Magpale  niini.

Apan iyang gitataw nga ang maong pundo iyang ibalhin sa pagbutang ngadto na deretso sa mga kalungsoran ug mga kabarangayan sa segundo distrito aron kini kapahimuslan pinaagi sa pagpatuman sa mga proyekto ug mga programa alang sa iyang distrito.

Samtang kusganong gipanghimakak ni Cong. Garcia ang pasangil sa kampo ni Magpale nga ang 55 milyones pesos niyang PDAF ngadto ra niya gibubo sa lungsod sa Dumanjog kansang mayor usa sa mga anak sa kongresista.

Midugang si Garcia ang  tuyo  niya  pagbutang sa maong  pundo    pinaagi sa trust fund gihimo aron dali rang mogawas ug magamit   sa iyang mga konstituwente   sa distrito.

Apan karon  iya  na  kining  tangtangon  ug  ideretso na  ngadto  sa  mga  kalungsoran  ug  kabarangayan  sa Segundo  distrito.

Hinuon  sa bahin  ni  Magpale  igo  ra  kining  miingon  nga  matag  lakang  niya  gikonsulta  niya  sa  mga  magbabalaod  sa lalawigan. (/WC)  (BANAT NEWS)